Google ກໍາລັງກະກຽມທີ່ຈະລຶບສັນຍາລັກ “Secure” ອອກຈາກເວັບໄຊ HTTPS

Google ອອກມາປະກາດວ່າ  ກຽມທີ່ຈະລຶບສັນຍາລັກຄໍາວ່າ “Secure” ອອກຈາກທີ່ຢູ່ເວັບໄຊ URL Address Bar ຂອງ Chrome ເວີຊັນ 69

ຈະເລີ່ມຕົ້ນໃຊ້ໃນເດືອນກັນຍານີ້ ສົ່ງຜົນໃຫ້ຫຼັງຈາກນັ້ນເວັບໄຊ HTTPS ຊິສະແດງສັນຍາລັກຂອງສັນຍາລັກໄອຄອນລູກກະແຈແທນ

Emily Schechter ຜູ້ຈັດການຜະລິດຕະພັນຂອງ Chrome Security ອະທິບາຍວ່າ ສາເຫດທີ່ບໍລິສັດໄດ້ປັບປ່ຽນສັນຍາລັກໃຫມ່ນີ້ ເນື້ອງຈາກການຈະລາຈອນຢູ່ Chrome ສ່ວນຫລາຍຕອນນີ້ເກືອບທຸກໆເວັບໄຊເປັນ HTTPS  ເກືອບທັງຫມົດແລ້ວ ຈື່ງບໍ່ມີຄວາມຈໍາເປັນຕ້ອງດືງຄວາມສົນໃຈຂອງຜູ້ໃຊ້ໂດຍສັນຍາລັກວ່າ “Secure” ອີກຕໍ່ໄປ ແລະ ທາງກົງກັນຂ້າມ Chrome ຈະມຸ່ງເນັ້ນໃສ່ການແຈ້ງເຕືອນຜູ້ໃຊ້ໃຫ້ເຂົ້າເຖິງເວັບໄຊ HTTP ທີ່ບໍ່ປອດໄພຫລາຍຂື້ນ ເຊິ່ງ Chrome ຊິສະແດງຄໍາວ່າ “Not Secure” ກັບເຄື່ອງຫມາຍຕົກໃຈໃສ່ທຸກເວັບໄຊ HTTP ແທນ ໂດຍເລີ່ມຕັ້ງແຕ່ Chrome 68 ທີ່ຊິເປີດໃຫ້ໃຊ້ໃນເດືອນກໍລະກົດນີ້

Google ຍັງມີແຜນຊິເພີ່ມສັນຍາລັກ “Not Secure” ໃຫ້ເບີ່ງເປັນຄວາມຮ້າຍແຮງຫລາຍຂື້ນ ໂດຍການໃສ່ Animation ປ່ຽນຄໍາວ່າ “Not Secure” ແລະ ເຄື່ອງຫມາຍຕົກໃຈໃຫ້ເປັນສີແດງແທນ ຫາກຜູ້ໃຊ້ຕື່ມຂໍ້ມູນໃສ່ແບບຟອມຫນ້າ HTTP ເຊິງຄຸນນະສົມບັດນີ້ຊິເລີ່ມຕົ້ນໃຊ້ໃນ Chrome 70

ການປ່ຽນແປງເຫລົ່ານີ້ ເປັນສ່ວນຫນຶ່ງຂອງແຜນການພັກດັນໃຫ້ທຸກໆຄົນ ເຂົ້າໃຊ້ເວັບໄຊແບບ HTTPS ໄດ້ 100%

ທີ່ມາຂອງຂ່າວ: https://www.bleepingcomputer.com